இதை பயன்படுத்தி சிட் பண்ட், ஏலச்சீட்டு, தீபாவளி நகை சீட்டு, சேமிப்பு சீட்டு, ஜவுளி கடைகள் , வீட்டு உபயோக பொருட்கள் விற்கும் கடைகளும் புதிய புதிய சேமிப்பு திட்டங்களை அறிமுகப்படுத்கின்றனர். இதில் பலர் எந்த விதமான பதிவுகளும் செய்யாமலும் வாங்கிய பணத்திற்கு ரசீதுகள் கொடுக்காமலும் வாய்மொழி உத்தரவாதங்களை கவர்ச்சியாக கொடுத்து ,கொடுத்த வாக்குறுதிகளை நிறைவேற்றாமல் மக்களை ஏமாற்றி வருகின்றனர். இதுபோன்று போலி நபர்கள், நிறுவனங்களிடம் ஏமாறும் நபர்கள் போலீசில் புகார் கூட செய்ய முடியாத நிலையில் புலம்பி வருகின்றனர். மக்கள் தங்களது சேமிப்பை தொடங்கும் போது பதிவு செய்யாத தனிநபர் சிட் பண்ட்களை தவிர்க்க வேண்டும். வெளிப்படை தன்மையுடன் சட்ட விதிமுறைகளைப் பின்பற்றும் நிறுவனங்களை தேர்வு செய்து விழிப்புணர்வுடன் இருப்பது அவசியம். மேலும் இது குறித்து போலீசாரும் மக்களிடம் விழிப்புணர்வு ஏற்படுத்துவது அவசியம்.