திண்டுக்கல் வட்டார போக்குவரத்து துறை மோட்டார் வாகன ஆய்வாளர் இளங்கோ தலைமையிலான அதிகாரிகள் கொடைரோடு பகுதிகளில் ஆய்வு செய்தனர். அப்போது மதுரை டூ பெங்களூரு செல்வதற்காக 25 பயணிகளுடன் ஆம்னி பஸ் வந்தது. அதிகாரிகள் அந்த பஸ்சை சோதனை நடத்தியதில் தகுதி சான்று இல்லாமல் இயக்கப்பட்டது தெரிந்தது. இதை தொடர்ந்து பஸ்சை பறிமுதல் செய்த அதிகாரிகள் ரூ.25 ஆயிரம் அபராதம் விதித்து பயணிகளை வேறு பஸ்சில் அனுப்பினர். இதோடு அதிக ஒலி,ஒளி அனுமதியின்றி இயக்கம்,ரோடு விதிகளை மதிக்காமல் சென்ற 10 வாகனங்களுக்கு ரூ.75 ஆயிரம் விதித்தனர்.