இதை தொடர்ந்து அரசு, வங்கி அதிகாரிகள் அனைத்து வகையான 10 ரூபாய்நாணயங்களும் செல்லும் என தெரிவித்து வந்தனர்.

இதனால் மற்ற மாவட்டங்களில் இந்த நாணயத்தை பயன்படுத்த தொடங்கி விட்டனர்.

திண்டுக்கல் மாவட்டத்தில் மட்டும் 10 ரூபாய் நாணயங்களை வாங்க சிலர் மறுத்து வருகின்றனர். இதனால் பிற மாவட்டங்களில் இருந்து வரும் பொதுமக்கள் 10 ரூபாய் நாணயத்தை கொடுத்து பொருட்கள் வாங்கும் போதும், பஸ் பயணங்களின் போதும் நாணயத்தை வாங்க மறுப்பதால் வாக்குவாதம் தொடர்கிறது. 10 ரூபாய் நாணயம் குறித்த தவறான வதந்தியாலும், அறியாமையாலும் பொதுமக்கள் பலர் சிரமத்தை அனுபவித்து வருகின்றனர்.இது குறித்து வியாபாரிகள் முதல் பொதுமக்கள் வரை அனைத்து தரப்பினருக்கும் பத்து ரூபாய் நாணயம் குறித்து போதிய விழிப்புணர்வு ஏற்படுத்துவது அவசியமாகிறது. மாவட்ட நிர்வாகமும் வழி காண வேண்டும்.