கோவை மண்டல அரசு போக்குவரத்துக்கழகத்தில், 951 பஸ்கள் இயக்கப்படுகின்றன.

இந்த பஸ்களில் டச் ஸ்கிரீன் வசதியுடன் கூடிய டிக்கெட் வழங்கும் கருவி வழங்க திட்டமிடப்பட்டது. இதையடுத்து இந்த கருவி தருவிக்கப்பட்டுள்ளது.

இக்கருவியின் வாயிலாக விரைந்து டிக்கெட் வழங்கவும், பணி முடிந்து கணக்கு வழக்குகளை விரைந்து முடிக்க முடியும் எனவும் தெரிவிக்கப்பட்டுள்ளது.

அரசு போக்குவரத்துக்கழக அதிகாரி ஒருவர் கூறுகையில், 'புதிய கருவி இ.டி.எம்., கையடக்கமாக இருப்பதால், கையாள்வது எளிது.

இதன் வாயிலாக, ஒரு நிமிடத்தில், டிக்கெட் வழங்க முடியும்.

முதற்கட்டமாக, 200 பஸ்களுக்கு இக்கருவி வழங்கப்பட்டுள்ளது. இம்மாத இறுதிக்குள், மீதமுள்ள, 751 பஸ்களுக்கும் இக்கருவி வழங்கப்படும்' என்றார்.