அ.தி.மு.க., வேட்பாளருக்காக டூவீலரில் அமர்ந்தவாறு மைக்கை பிடித்துக்கொண்டு கொங்கு தமிழில் பிரசாரம் செய்து வரும் சின்னச்சாமியின் மொழி நடை வாக்காளர்களை கவர்ந்துவருகிறது. கோவை லோக்சபா தொகுதி அ.தி.மு.க., வேட்பாளர் ராமச்சந்திரன் தீவிர பிரசாரத்தில் ஈடுபட்டுள்ளார். அவருக்கு ஆதரவாக இருசக்கர வாகனம் ஒன்றில் பின்புறம் அமர்ந்து கொண்டு கோவையை சேர்ந்த சின்னச்சாமி 'ஒயர்லெஸ் மைக்'கைபிடித்துகொண்டுகொங்கு தமிழில் ஓட்டு சேகரித்தார்.

'கடுமையா சுட்டெரிக்கும் உதய சூரியன் சின்னமுடைய தி.மு.க.,க்காரங்க இப்போது வரி உயர்வு, மின் கட்டணம் என பல வழிகளில் மக்களை வாட்டி வதைக்கிறாங்க. உங்களுக்கு பாதுகாப்பாக நிழல் தருவதற்கு அ.தி.மு.க.,வின் ரெட்டை இலை வந்திருக்கு' என, எதுகை மோனை வடிவில் அவர் மேற்கொண்டு வரும் பிரசாரம் சிரிப்பலையையும் ஏற்படுத்தி வருகிறது.