கோவை, திருப்பூர், நீலகிரி, ஈரோடு மாவட்ட சட்டப்பணிகள் ஆணைக்குழு வாயிலாக, சிறு வழக்குகளில் தொடர்புடைய குற்றவாளிகளின் வழக்குகளுக்கு தீர்வு காண, சிறை அதாலத் நேற்று நடந்தது.

இதில், கோவை மாவட்ட நீதிமன்றங்களுக்கு உட்பட்ட வழக்குகளை, ஜே.எம்., 5 மாஜிஸ்திரேட் சந்தோஷ், ஜே.எம்., 6 மாஜிஸ்திரேட், சுனில் வினோத், ஆகியோர், 18 கைதிகளின், 21 வழக்குகளுக்கு தீர்வு கண்டனர்.

திருப்பூர் மாவட்ட நீதிமன்றங்களுக்கு உட்பட்ட வழக்குகளை, திருப்பூர் ஜே.எம்., 4 மாஜிஸ்திரேட், முருகேசன், 3 கைதிகளின் மூன்று வழக்குகளுக்கு தீர்வு கண்டார்.

சிறை அதாலத் நீதிமன்றம் வாயிலாக, 21 கைதிகளின், 24 வழக்குகளுக்கு தீர்வு காணப்பட்டு, 16 கைதிகள் விடுவிக்கப்பட்டனர்.

ஈரோடு மாவட்ட நீதிமன்ற வழக்கு விசாரணையின் போது, பவானி ஜே.எம்., 1 மாஜிஸ்திரேட் பரத்குமார், நீலகிரி மாவட்ட நீதிமன்ற வழக்கு விசாரணையின் போது, கோத்தகிரி, மாஜிஸ்திரேட் வனிதா ஆகியோர் உடனிருந்தனர்.

மாவட்ட சட்டப்பணிகள் ஆணைக்குழு செயலாளர் சிவா துவக்கி வைத்தார். சிறை எஸ்.பி., செந்தில்குமார் உள்ளிட்டோர் பங்கேற்றனர்.