ஷட்டரை திறந்து கொடுத்த அந்த நபர், ஷோரூமுக்குள் பெண்ணை தள்ளி ஷட்டரை பூட்டினார். பின், கீழே விழுந்த பெண்ணிடம் கத்தியை காட்டி மிரட்டி, பாலியல் சீண்டல் செய்துள்ளார். பின், வெளியே சொன்னால் கொலை செய்து விடுவேன் என, கூறி தப்பினார்.

புகாரின்படி, கண்ணகி நகர் போலீசார் வாலிபரை தேடி வந்தனர். இந்நிலையில், நேற்று ஓ.எம்.ஆரில் உள்ள ஒரு பேருந்து நிறுத்தத்தில் நின்றுகொண்டிருந்த அந்த நபரை பார்த்த அப்பெண், போலீசுக்கு தகவல் தெரிவித்தார்.

போலீசார் சென்று அவரை பிடித்து விசாரித்ததில், கந்தன்சாவடியை சேர்ந்த சந்துரு, 34, என தெரிந்தது. இவர் மீது, ஏற்கனவே பலாத்காரம், பாலியல் சீண்டல், வழிப்பறி உள்ளிட்ட, 10க்கும் மேற்பட்ட வழக்குகள் உள்ளன. போலீசார் அவரை கைது செய்து சிறையில் அடைத்தனர்.