இதுதொடர்பாக கிடைக்கும் தகவலின்படி, உணவு பொருள் வழங்கல் துறை அதிகாரிகள், அவ்வப்போது, கடத்தப்படும் ரேஷன் அரிசியை பறிமுதல் செய்து வருகின்றனர்.

அதேபோல, நேற்று மதியம், எண்ணுார் ரயில் நிலையம் அருகே மூட்டை மூட்டையாக அரிசி இருப்பது குறித்து அறிந்த, உணவு பொருள் வழங்கல் துறை அதிகாரிகள், அவற்றை பறிமுதல் செய்து, அலுவலகம் எடுத்து வந்தனர்.

பறிமுதல் செய்து எடுத்து வரப்பட்ட அரிசியின் எடை, 2 டன் இருக்கும் என தெரிவித்த அதிகாரிகள், மற்ற தகவல்கள் குறித்து விபரங்கள் தர மறுத்து விட்டனர்.

விசாரித்த போது, 'உயர் அதிகாரிகள் அரிசி பறிமுதல் குறித்த தகவல்கள் ஏதும் வெளியாகக் கூடாது' என, வாய்மொழி உத்தரவிட்டதாககூறப்படுகிறது.