அதனால், காலனி பகுதியில் வசிக்கும், 300க்கும் மேற்பட்ட குடும்ப அட்டைதாரர்கள், 2 கி.மீ., தொலைவில், நெடுமரம் கிராமத்தில் உள்ள நியாய விலை கடையில், அரிசி, சர்க்கரை, மண்ணெண்ணெய் போன்ற அத்தியாவசிய பொருட்களை வாங்கி வருகின்றனர்.

தொலைவில் உள்ள நியாய விலை கடையில் வாங்கப்பட்ட பொருட்களை, 2 கி.மீ., சுமந்துகொண்டு வீட்டிற்கு செல்ல மக்கள் அவதிப்படுகின்றனர்.

ஆட்டோவில் ஏற்றிச் செல்ல, 40 முதல் 60 ரூபாய் வரை கேட்பதாக கூறப்படுகிறது. மேலும், நியாய விலை கடைக்கு வந்து செல்ல முதியவர்கள் மற்றும் பெண்கள் அவதிப்படுகின்றனர்.

ஆகையால், துறை சார்ந்த அதிகாரிகள் ஆய்வு செய்து, நெடுமரம் காலனியில் பகுதி நேர நியாய விலை கடை அமைக்க நடவடிக்கை எடுக்க வேண்டும் என, கிராம மக்கள் எதிர்பார்க்கின்றனர்.