நேற்று முன்தினம் இரவு, கொளத்துார் பகுதியில் பறக்கும் படையினர் வாகன சோதனையில் ஈடுபட்டனர். அப்போது, அவ்வழியே வந்த காரை நிறுத்தி சோதனையிட்டதில், காரில் இருந்து, 2.07 லட்சம் ரூபாய் கண்டுபிடிக்கப்பட்டது.

விசாரணையில், காரில் வந்தவர் சென்னை, மடிப்பாக்கத்தைச் சேர்ந்த குமாரலிங்கம் என்பதும், உரிய ஆவணங்கள் இன்றி பணம் எடுத்துச் சென்றதும் தெரியவந்தது.

இதேபோல, நேற்று காலை சித்தாமூர் அடுத்த பொலம்பாக்கம் பகுதியில், பறக்கும் படையினர் வாகன சோதனையில் ஈடுபட்டனர்.

அப்போது, கல்பாக்கம் அடுத்த புதுப்பட்டினத்தைச் சேர்ந்த நியாஸ் முகமது என்பவர், உரிய ஆவணங்கள் இன்றி எடுத்துச் சென்ற 4.85 லட்சம் ரூபாய் கைப்பற்றப்பட்டது.

இதையடுத்து, உரிய ஆவணங்கள் இன்றி எடுத்துச் செல்லப்பட்ட 6.92 லட்சம் ரூபாய் பணத்தை பறிமுதல் செய்த பறக்கும் படையினர், செய்யூர் உதவி தேர்தல் அலுவலர் ராதாவிடம் ஒப்படைத்தனர்.