பாரிஸ் ஒலிம்பிக் டேபிள் டென்னிஸ் ஆண்கள் அணிகளுக்கான பைனலில் சீனா, சுவீடன் அணிகள் மோதின. இதில் சீன அணி 3-0 என்ற கணக்கில் வெற்றி பெற்று, தொடர்ச்சியாக 4வது முறையாக (2012, 2016, 2020, 2024) தங்கப்பதக்கத்தை தட்டிச் சென்றது.

இதில் சீனா சார்பில் விளையாடிய மா லாங் 35, ஒலிம்பிக்கில் தனது 6வது தங்கம் வென்றார். இவர், ஒற்றையரில் 2 (2016, 2020), அணிகள் பிரிவில் 4 (2012, 2016, 2020, 2024) என 6 தங்கப் பதக்கத்தை கைப்பற்றினார். இதன்மூலம் ஒலிம்பிக் அரங்கில் அதிக தங்கம் வென்ற சீன நட்சத்திரமானார். சீன ஜிம்னாஸ்டிக்ஸ் வீரர் ஜூ கய், டைவிங் வீராங்கனை வு மின்சியா தலா 5 தங்கம் வென்றனர்.