பூடான் சென்ற மியான்மர் அணி, ஐந்து போட்டிகள் கொண்ட 'டி-20' தொடரில் பங்கேற்றது. இதில் பூடான் அணி 5-0 என தொடரை கைப்பற்றியது. சமீபத்தில் (டிச. 26) நடந்த 3வது போட்டியில் பூடான் அணி (127/9), 82 ரன் வித்தியாசத்தில் மியான்மர் அணியை (45/10, 9.2 ஓவர்) வீழ்த்தியது. இப்போட்டியில் 'சுழலில்' அசத்திய பூடானின் சோனம் யேஷே, 4 ஓவரில், 7 ரன் மட்டும் விட்டுக்கொடுத்து 8 விக்கெட் கைப்பற்றினார். இதில் ஒரு 'மெய்டன்' ஓவர் அடங்கும்.

இதன்மூலம் ஒட்டுமொத்த 'டி-20' அரங்கில் சிறந்த பந்துவீச்சை (4-1-7-8) பதிவு செய்த பவுலர்கள் பட்டியலில் முதலிடத்தை கைப்பற்றினார். இதற்கு முன், மலேசிய வேகப்பந்துவீச்சாளர் சியாஸ்ருல் இட்ரஸ், 4 ஓவரில் (ஒரு 'மெய்டன்'), 8 ரன் விட்டுக்கொடுத்து 7 விக்கெட் (எதிர்: சீனா, 2023) கைப்பற்றியது சாதனையாக இருந்தது.