புதுச்சேரி அடுத்த பஞ்சவடீயில், 36 அடி உயர ஜெயமங்கள பஞ்சமுக ஆஞ்சநேய சுவாமி கோவில் அமைந்துள்ளது. இங்கு, பட்டாபிேஷக ராமச்சந்திரமூர்த்திக்கு வசந்த உற்சவம் வரும் 17ம் தேதி துவங்கி, 19ம் தேதி வரை 3 நாட்களுக்கு நடக்கிறது.

விழா நடக்கும் 3 நாட்களும் மாலை 5:00 மணியளவில், வசந்த மண்டபத்தில் சீதா பிராட்டியுடன் ராமர் எழுந்தருள்கிறார். 17ம் தேதி மாலையில், வசந்த மண்டபத்தில் ராமர் - சீதாவுக்கு விசேஷ திருமஞ்சனம் நடக்கிறது. பின், புஷ்ப பந்தலில் சேவை சாதிக்கின்றனர்.

இரண்டாம் நாளான 18ம் தேதியன்று மாலை, திருமஞ்சனத்தை தொடர்ந்து பழப்பந்தலில் சேவை சாதிக்கின்றனர்.

விழாவின் மூன்றாம் நாளான 19ம் தேதியன்று காலை 10:00 மணியளவில், சீதா - ராமர் திருக்கல்யாண உற்சவம் நடக்கிறது.

மாலையில் வசந்த மண்டபத்தில் விசேஷ திருமஞ்சனமும், தொடர்ந்து காய்கறிகள் பந்தலில் சீதா - ராமர் சேவை சாதிக்கின்றனர்.