சென்னை:
தமிழ்நாடு பெற்றோர் ஆசிரியர் கழகம் சார்பில், 10 மற்றும் பிளஸ் 2 வகுப்பு மாணவர்கள், பொதுத் தேர்வில் அதிக மதிப்பெண் பெறும் வகையில், மாதிரி வினாத்தாள் மற்றும் தீர்வுப் புத்தகம் அடங்கிய, 11 புத்தகங்கள் விற்பனையை, அரசு துவங்கியுள்ளது.

அரசு செய்திக்குறிப்பு:

தமிழகம் முழுதும் உள்ள 10, பிளஸ் 2 வகுப்பு மாணவர்கள், பொதுத் தேர்வில் அதிக மதிப்பெண் பெறும் வகையில், சிறந்த பாட வல்லுனர்களைக் கொண்டு, தமிழ், ஆங்கிலம் ஆகிய இரு மொழிகளிலும், மாதிரி வினாத்தாள் மற்றும் தீர்வுப் புத்தகங்கள் தயார் செய்யப்பட்டுள்ளன.

இதில், 10ம் வகுப்பு மாணவர்களுக்கு 3 புத்தகங்கள், பிளஸ் 2 மாணவர்களுக்கு 8 என, 11 புத்தகங்கள் அச்சிடப்பட்டு, மாவட்ட விற்பனை மையங்களில் விற்கப்படுகின்றன.

தமிழ் மற்றும் ஆங்கில வழியில் அச்சிடப்பட்ட, மாதிரி வினாத்தாள் மற்றும் தீர்வுப் புத்தகம் அடங்கிய தொகுப்பு, குறைந்தபட்சம் 70 ரூபாயிலிருந்து அதிகபட்சம் 175 ரூபாய் வரையான விலையில் கிடைக்கும்.

இவ்வாறு அதில் கூறப்பட்டுள்ளது.