கீரையை சாப்பிட குழந்தைகள் மறுக்கின்றனர் என்றால், எப்போதாவது தான் கீரைகளை செய்வோம். இன்று நீங்கள் கற்கும் ரெசிப்பியை குழந்தைகளுக்கு செய்து கொடுங்கள். கீரை வேண்டும் வேண்டும் என்று கேட்டு வாங்கிச் சாப்பிடுவர்.

செய்முறை

▶ குடை மிளகாய், பூண்டு ஆகியவற்றை சிறு சிறு துண்டுகளாக நறுக்கி எடுத்துக் கொள்ளுங்கள்.

▶ பின்னர் பாலக்கீரையை பத்து நிமிடங்கள் வேக வைத்து எடுத்துக் கொள்ளுங்கள்.

▶ கீரை ஆறியவுடன், அதனுடன் முந்திரி, பன்னீர் சேர்த்து, மிக்சியில் நன்கு அரைத்துக் கொள்ளுங்கள்.

▶ அரை கப் பாஸ்தாவை, 10 நிமிடம் வேக வைக்க வேண்டும். குறிப்பாக, குழையாமல் பார்த்துக் கொள்ளுங்கள். இல்லையெனில் சுவை இருக்காது.

▶ ஒரு வாணலியில் சிறிது வெண்ணெய் ஊற்றி சூடானதும், பூண்டு சேர்த்து வதக்கிக் கொள்ளுங்கள்.

▶ பூண்டு வதங்கிய உடன், வேகவைத்த பாஸ்தாவை சேர்த்து, சில நிமிடங்கள் வதக்க வேண்டும்.

▶ சுவையை அதிகரிக்க வேண்டும் என்றால், அதனுடன் கொஞ்சம் பால் சேர்த்து சிறிது நேரம் வேக வைக்க வேண்டும்.

▶ காரம் தேவையென்றால், சிறிதளவு மிளகாய் துாள், உப்பு சேர்த்துக் கொள்ளுங்கள். இத்துடன், வேகவைத்து அரைத்த பாலக்கீரை விழுதை சேர்த்து நன்றாக கலக்குங்கள்.

▶ எல்லாவற்றையும் சேர்த்து சிறிது வேக வைத்து எடுத்தால், சுவையுடன் புரதம் நிறைந்த 'கீரை பாஸ்தா' ரெடி.

▶ பாலக்கீரை தான் சேர்க்க வேண்டும் என்று அவசியமில்லை. கசப்புத்தன்மை குறைவாக உள்ள கீரைகளை வைத்தும் சமைக்கலாம். சுவைக்காக தான், சீஸ் சேர்க்கிறோம் என்பதால் தேவைப்பட்டால் மட்டும் பயன்படுத்துங்கள்

- நமது நிருபர் -.