அவர் மேலும் கூறியதாவது: மத்திய அரசு, வடகிழக்கு மாநிலங்களுக்கு விரைவான, வெளிப்படையான மற்றும் பயன் தரக்கூடிய வளர்ச்சி திட்டங்களை வழங்க உறுதி பூண்டுள்ளது. இப்பகுதியின் அடிப்படை கட்டுமானம் மற்றும் சமூக -பொருளாதார மேம்பாட்டுக்கு, பி.எம்., டிவைன் திட்டம் துாண்டுகோலாக அமைந்துள்ளது. இத்திட்டத்துக்கு 2022 - 23 முதல் 2025- 26 வரையிலான காலகட்டத்துக்கு 6,600 கோடி ரூபாய் ஒதுக்க திட்டமிடப்பட்டது.

இவ்வாண்டு அக்டோபர் 31ம் தேதி நிலவரப்படி 5,700 கோடி ரூபாய் செலவில் 44 திட்டங்களுக்கு ஒப்புதல் அளிக்கப்பட்டு விட்டது. இதில், 176 கோடி ரூபாய் மதிப்புள்ள மூன்று திட்டங்கள் நிறைவேற்றப்பட்டுள்ளன. மேலும், 5,500 கோடி ரூபாய் மதிப்புள்ள திட்டங்களுக்கான பணிகள் நடைபெற்று வருகின்றன. இவ்வாறு அவர் தெரிவித்தார்.