நம் குடலில் வாழ்கின்ற சில நல்ல நுண்ணுயிர்களால் மன அழுத்தத்தைச் சரி செய்ய முடியும் என்று விஞ்ஞானிகள் கூறுகிறார்கள். அமெரிக்காவைச் சேர்ந்த ஹார்வர்ட் பல்கலை மேற்கொண்ட ஆய்வில் ஆரஞ்சு முதலிய சிட்ரஸ் பழங்களைச் சாப்பிட்டால் குடலில் உள்ள ஃபேசிகலிபாக்டீரியம் ப்ராஸ்நிட்சி (Faecalibacterium prausnitzii) என்கின்ற ஒரு வகை குடல் பாக்டீரியா பெருகும் என்று தெரியவந்துள்ளது. சிட்ரிக் அமிலம் அதிகம் கொண்ட பழங்கள் சிட்ரஸ் பழங்கள் எனப்படுகின்றன. திராட்சை, சாத்துக்குடி, எலுமிச்சை, நார்த்தங்காய் ஆகியவை இந்த வகையில் வரும்.

இந்த பாக்டீரியாவுக்கும் மகிழ்ச்சி ஹார்மோன்களான செரொடொனின் (serotonin), டோபோமைன் (dopamine) ஆகியவற்றின் உற்பத்திக்கும் தொடர்பு இருக்கிறது. இவை நமக்கு மன அமைதியும் மகிழ்ச்சியும் தருகின்றன. எனவே ஆரஞ்சு உள்ளிட்ட சிட்ரஸ் பழங்களை உண்பது மன அழுத்தத்தை 20 சதவீதம் வரை குறைக்கும் என்று விஞ்ஞானிகள் கூறுகிறார்கள்.