லில்லி ராணி கூச்சலிடவே, வீட்டில் இருந்த அவரது மகன், அந்த தெருவில் வசிப்பவர்கள், கார் மற்றும் இருசக்கர வாகனங்களில் திருடனை துரத்தினர். வையம்பட்டியில் இருந்து மணப்பாறை ரோட்டில் வேகமாக வந்த திருடனை, பின் தொடர்ந்து துரத்தி வந்தவர்கள், 10 கி.மீ., துாரம் உள்ள கரட்டாம்பட்டி என்ற இடத்தில், காரால் பைக்கை இடித்து, திருடனை கீழே விழ வைத்தனர்.

திருடன் காயங்களுடன், அங்கிருந்த காட்டுப்பகுதிக்குள் ஓடி தப்ப முயன்றார். ஆனாலும், விடாது துரத்தி பிடித்த மக்கள், பின், தர்ம அடி கொடுத்து, வையம்பட்டி போலீசாரிடம் ஒப்படைத்தனர். விசாரணையில், திண்டுக்கல் மாவட்டம், புதுப்பட்டியைச் சேர்ந்த குமார், 37, என, தெரிந்தது. தங்க சங்கிலி மீட்கப்பட்டது.