ஏலியன்கள் தொடர்பான ஆய்வு

வியாழன் கோளின் 95 நிலவுகளில் ஒன்றான 'ஐரோப்பா'வுக்கு அமெரிக்காவின் 'நாசா' சமீபத்தில் 'ஐரோப்பா கிளிப்பர்ஸ்' விண்கலத்தை ஏவியது. ஏலியன்கள் வாழ்கிறார்களா என்பது பற்றி அறிந்து கொள்வதே இதன் முக்கிய நோக்கம். இது 290 கோடி கி.மீ., துாரம் பயணித்து 2030ல் அங்கு சென்றடையும். நான்கு ஆண்டுகள் ஆய்வில் ஈடுபடும். ஜெர்மனியின் சைமன் மாரியஸ், இத்தாலியின் கலீலியோ கலிலி 1610ல் இந்த நிலவை கண்டறிந்தனர். இது பூமியின் நிலவை விட சிறியது. இது சிலிகேட் பாறைகள், உறை பனியால் சூழப்பட்டது.