சல்மான்கான் படத்தில் வில்லனாகும் பஹத் பாசில்

விஜய் நடித்த வாரிசு படத்தை இயக்கிய வம்சி பைடிபள்ளி தற்போது பாலிவுட் நடிகர் சல்மான்கான் நடிக்கும் படத்தை இயக்கி வருகிறார். நயன்தாரா நாயகியாக நடிக்கும் இந்த படத்திற்கு தற்காலிகமாக எஸ்பிசி 63 என டைட்டில் வைக்கப்பட்டுள்ளது. தற்போது மும்பையில் நடக்கும் படப்பிடிப்பில் சல்மான்கானும், நயன்தாராவும் கலந்து கொண்டுள்ளார்கள். இந்த நிலையில் தற்போது இப்படத்தில் சல்மான்கானுடன் மோதும் அதிரடி வில்லனாக நடிக்க பஹத் பாசில் கமிட்டாகி இருக்கிறார். அதேபோல் இன்னொரு முக்கிய வேடத்தில் அரவிந்த்சாமியும் கமிட்டாகி உள்ளார். தில்ராஜு தயாரிக்கும் இந்த படம் 2027 ஈத் பண்டிகையின்போது திரைக்கு வரவுள்ளது.